Menu

Pilipino Tayo

Mabuhay!

Bagumbayan, Sa Muling Pagkikita

Ikaw ay palagi kong alaala sa aking pagkabata

Sa isang kisap mata, muli mong bihuhay ang lumipas  

Ang kahapon at ngayon ay puno ng pagasa dahil sa

pagsilang ng bagong umaga

Bagumbayan, ako ay naulila sa iyong  likas na  kagandahan

Hinanaphanap kita sa lahat ng sulok ng mundo

Sadya kang walang katulad.

Naglakbay ang aking diwa

sa mga araw ng aking pagkabata

Ang tamis ng iyong mga ngiti

Kahit pusong pighati

ay nabihag sa mga dahon at bulaklak na nakapaligid sa iyo

Sa aking gunita sa tuwina

Aking naririnig ang halakhak ng aking mga kababata

at nasisilayan ang munting bakas ng aming mga yapak

habang tumatakbo patungo sa bilihan ng sorbetes

Sa init ng panahon, bagumbayan ay pasyalan at libangan

ng mga munting angel ng aking panahon

     Bagumbayan, Tangi kang saksi

Sa Tanikalang ginto

na kumitil sa ating kalayaan

Bagamat sa iyong puso nakakubli

ang susi ng kasaysayan ng Pilipinas

Sagisag ka ng Bagong Pilipinas

     Noon sa aking pagkabata

Sa paglubog ng araw ay nakita

ko ang malupit na kahapon

na sinapit ni Gat Jose Rizal

sa mga malulupit na kaaway

Ngayon sa aking  pagtanda

Sa pagsikat ng araw ay muli kong nasilayan

ang pagsapit ng masigabong bukas

na naghinhintay sa ating mga kabataan

at mga susunod pang hererasyon

Bukas sa aking takip silim

Panatag ang loob kong lisanin

ka pagkat nakaukit sa iyo ang dangal ng ating bayan

Sa kalangitan muli kitang tatanawin

Ang iyong walang kupas na kagandahan

ay busilak ng ating kalayaan

Alam kong hindi

ka pasisiil sa manlulupig

Ikaw ang Bagumbayan na pulso ng ating kasaysayan.

BB

 

Ang Lahing Kayumanggi

 

 

Ito ang kasaysayan ng ating lahi

Ang lahing kayumanggi

Balutin mo man ng ginto ang iyong kulay

 

Lilitaw at lilitaw ang iyong pinagmulan

Ang makulay nating kasaysayan ay saksi sa ating kahapon

Ngayon sumisikat na ang araw

Gumising tayo at baybayain nating ang bagong umaga

na puno ng pagasa

Ipagsigawan natin ang dangal ng ating lahing Pilipino

Iwagayway nating and ating bandila

Ipagbunyi natin ang busilak ng pusong Pilipino na makita sa ating kultura.     

Isang  puso, Isawng diwa sa mata ng diyos at sa pulso ng mundo

Ikaw, ako, tayo ay mga Pilipino.      

by Lourdes Briones Khan