Menu

Pilipino Tayo

Mabuhay!

Malaya ang Bayang Pilipinas

 

Malaya ang bayang may sariling simulain at adhikain

Malaya  ang bayang may pagkakaisa at pagtutulungan

Malaya ang bayang may iisang puso at diwa

Malaya ang bayang may namumunong dakila

Malaya ang bayang may tagumpay na inaasahan

Higit sa lahat Malaya ang bayang may sigaw ng bayan

Mabuhay ang Pilipinas!  

Bayani ng Bayan

 

Sa tuwina masarap buhayin ang kasaysayan ng Pilipinas na nagbibigay inspirasyon sa ating mga Pilipino na ipakita ang dangal ng ating lahi at ganda ng ating kultura.

Bawat dakilang pinuno ay simbolo ng ating kalayaan at kasaganaan. Ang lupang katutubo ay walang kupas at walang kasing tatag dahil dito tayo nagmula. Mga katutubong lahing Pilipino at kultura ang ngabigay ningning sa ating pagkatao, kung wala sila  wala tayo ngayon, Walang Bansang Pilipinas at lahing Pilipino ang ating daigdig.

       Si Jose Rizal, ang ating magiting na bayani

Nakaukit sa kanyang mga sulat ang kanyang kabayanihan.

Mga tulang walang kamatayan na nagbigay kulay na makamtan natin ang ating kalayaan. Iminulat sa ating mga isipan ang kahalagahan ng mga kabataan. Ang pakikibaka sa kalayaan ay nasa kamay ng ating mga kabataang Pilipino. Ang alaala ni Rizal ay walang kupas na alay sa bawat Pilipino na may pagmamahal sa bayang Pilipinas. 

 

Kasaysayan ng Lahi

Gunitain, Ating Kasarinlan

     Parang kahapon lamang

Kasarinlan ng ating bayan ay ating nakamtam

Sa kamay ng mga magigiting na Pilipino  

Sinilang ang bagong bayang Pilipinas sa ating puso

    Madugo at makulay ang landas na tinahak

Sa mga dayuhang manlulupig, tayo ay sinakop ng mapait na panahon

Lakas ng loob, pambihirang talino at hanggang kamatayang tapang ang ating puhunan

Luha, pawis at dugo ang gumising sa diwa ng bawat Pilipino

Nagbabagang galit sa mga talipandas na kaaway

Isinigaw ang araw ng kalayaan, bandila ay iniwagayway  

Lupang hinirang kahit kailanman hindi natin ipagpapalit na maging alipin

Ang ating kasarinlan ay ating tanging yaman

Hindi mabibili ng anumang kayamanan

Sa muling pagsikat ng araw, lumingon tayo at pasalamatan ang ating kalayaan

Inang Bayang Pilipinas ay nababalot ng ngiti at kaligayahan

Bandilang Pilipino ay habang buhay na nakaukit sa ating puso.

 

BB

 

Ang Magiting na Pilipino

 

 

Ikaw ang magiting na Pilipino

Sa isip, sa salita, sa diwa at sa gawa

May pagmamahal sa ating inang bayan

Taglay mo ang dugong makabayan

Sa iyong ugat nanalaytay ang talino ni Gat Jose Rizal

Ang katapangan ni Andres Bonifacio

Ang kagandahan ni Maria Clara

Tunay na may pagpapahalaga sa sarili

Bukas ang puso sa  kabutihang asal

Maligaya sa kabila ng mga pagsubok

At mga  pighati sa buhay

Pagkat may tiwala sa maykapal

Ikaw ang simbolo ng makabagong Pilipino

Maliksi, masinop, matiyaga at matatag

Walang takot na haharapin ang mga salot

Hindi tayo pasisiil sa mga kaaway ng bayan

At mananakop ng ating kalayaan

Hindi tayo padadaig sa mga banyagang karunungan,

Lalong hindi tayo magpapailalim sa maruming

pamahalan at mapagsamantalang mga pinuno. 

Nabihag mo ang mundo mula sa makulay nating

kasaysayan hanggang  ngayong pagsikat ng araw

Naway maging magiting ka na ipagbunyi ang ngalan ng

ating bayan.

BB